Хатаасан самар жимсний холимог

Premium tea брэндийн Самар, жимсны холимог нь гэртээ болон, хөдөө, аялал зугаалганд, цүнхэндээ авч явахад тохиромжтой савалгаатай бөгөөд таны өдөр тутамдаа хэрэглэхэд тааруулан бэлтгэсэн дээд зэргийн бүтээгдэхүүн юм. Судалгаагаар нотлогдсон ашиг тус: Хатаасан жимс зүгээр ч нэг амны зугаа биш. Шинэхэн жимс жимсгэнэтэй адил аминдэм, эрдэс бодисын эх үүсвэр болдог. Мөн ислэгээр баялаг, холестерин агуулдаггүйгээрээ онцлогтой. Хатаасан жимс нь шинэ жимстэй харьцуулахад жин багатай ч ашигтай бодисын хэмжээ нь хангалттай өндөр байдаг байна. Тиймээс хоол зүйчид өдөр тутмын хүнсэндээ нэмэлтээр хэрэглэхийг зөвлөдөг. Тухайлбал, зууш салат, бялуу болон бусад төрлийн десерт, тараг, уух зүйлсдээ чавга, цангис, чангаанз, самраас нэмж хэрэглэвэл таны идэх гэж буй хоол хүнсийг илүү амттай бас баялаг болгоно. Хэрэглэгчдийн дунд зөвхөн орос үзэм, чавга л сайн гэх ойлголт байдаг ч эдгээр жимсний хамгийн сайн сортууд нь Америк, Аргентин, Турк, Хятад, Вьетнам, Иран зэрэг жимс самрын өлгий нутгуудад байдгаараа онцлогтой. Самар, жимсийг багахан идэхэд л энерги, эрдэс бодисоор хангаж чадна. Жишээ нь, спортоор идэвхтэй хичээллэдэг хүмүүс, тамирчид өндөр ачаалалтай дасгал хийсний дараа хатаасан жимс идэж, глюкозын нөөцөө богино хугацаанд хангахаас гадна өвдөлт бууруулж, сэтгэл санааг өргөхөд нөлөөлдөг эндорфин даавар ялгаруулахад тусалдаг байна.